METTERNICHIA Familia Germaniae

METTERNICHIA Familia Germaniae

inter Rhenanas Equestres illustris, illustres Ecclesiae Romanae Praesules non semel tulit. Namque hoc saeculô Trevirensi Archiepiscopatui Lotharium dedit, et nuper Archiepiscopatui Moguntino, Episcopum pridem Spirensem, Lotharium Fridericum, cuius et fratris progenitores hi sunt: N. de Metremich, ex N. Rumschuttelia de Frinzdorf, genuit Carolum de Metternich; quo et Sibyllâ Beisseliâ de Gimenich genitus Dietherus de Metternith, sibi iunxit Margaretam Weyeriam de Nickenich, atque ex ea suscepit Stephanum de Metternich, patrem, ex Maria de Metzenhausen, Dietheri de Metternich: quô et Catharinâ de Wachendonc, natus Iohannes Gerhardus Mariam de Leyen in torum ascivit: atque ex ea genuit Lotharium Fridericum Archiepiscopum ac Electorem Moguntinum, Episcopum Spirensem et Wormatiensem; ac Wolffgangum Henricum Baronem de Metternich, cui uxor obtigit Anna Margareta Schoenbornia. Phil. Iac. Spenerus Theatr. Nobilit. Europ. Part. 3. p. 67.